最近公開與模尹蓁晞（Yumi）拍拖的陳偉成（Avis），愛情事業兩得意，他早前投資七位數字進軍時裝界，又笑言Yumi不用幫手打理生意，只需做其御用模特兒。

投資7位數的Avis銳意在時裝界打響名堂。

約滿舊公司的Avis自言輕鬆不少。

Avis視女友Yumi為其時裝店的御用Model。（資料圖片）

周秀娜舊愛Avis早前公開與潛水多年的模Yumi的戀情，更不時把合照放上網晒恩愛，Avis情場得意，事業亦絕不遜色！他除了打理髮型屋生意外，最近更踩入時裝界，與朋友開設時裝店，擴大吸金版圖，他表示今次重錘出擊︰「兩間時裝店共投資7位數字，都用咗大部分積蓄，始終金額大，而且依家係自由身，都會放多啲時間睇住生意，有信心一年內返本，男人幾時都係事業行先o架啦！」

離巢避娜姐

Avis指並非退出幕前︰「我鍾意做幕前，依家傾緊新公司。」問到是否與娜姐同屬舊公司會尷尬，故不考慮再簽舊公司？Avis雖然「再見亦是朋友」，卻坦言因不想尷尬而離開︰「唔想太尷尬，而且想有新開始，依家Relax好多，冇咁大壓力，唔使畀人控制住，自己都開心咗！」

提到與Yumi的戀情，Avis即冧爆甜笑，問到會否叫同屬自由身的女友Yumi打理時裝生意？他說︰「都係叫佢做我Model好啲，做時裝店御用Model都OK。」他更會為女友設計女裝及情侶裝︰「我會設計服裝，依家喺呢方面都研究緊，如果有機會都希望可以設計情侶裝，當然都會為女友設計服裝啦！」