Rapper譚淇淇（KiKi）由樂壇跳入大銀幕，在驚慄片《奇幻夜》一個單元中擔正做女主角，並笑言最恨與台灣大隻男彭于晏演親熱戲：「呢排鍾意彭于晏，見到啲肌肉真係流晒口水，同佢合演親熱戲就正啦！」她又笑言「擇男」口味經常有變，曾試過迷戀赤裸跟車工人而在街邊喪(目及)。

KiKi自爆最冧台灣型男彭于晏，並希望與對方拍親熱戲。

KiKi於電影《奇幻夜》中擔正做女主角。

屬於「單身一族」的KiKi希望以事業為重，問到入行以來可有男星埋身？她說：「佢有傳短訊撩我，大家平時都係朋友傾偈，當感覺到有少少曖昧時，大家都係單身就得，但對方有伴侶，我打死都唔做小三。」決不做「小三」的她竟多次被朋友誤會「搶仔」：「可能我個樣同埋做呢行嘅關係，加上性格比較男仔頭。」