名模Mandy Lieu樣靚身材正，前晚卻密實打扮行時裝騷，被同場穿內衣行騷的模特兒搶盡風頭，問到為何不穿內衣？她自爆從來沒有客戶邀請她穿內衣或泳衣行騷，其實她不介意性感上陣，最緊要靚！

Mandy Lieu密實行騷依然自信滿滿，魅力絲毫不減！

汪圓圓（左）手上載著戒指，原來只是大會安排，並非婚戒。

名模Mandy Lieu前晚為時裝騷擔任模特兒，打頭陣出場的她自信滿滿，同場還有其他穿性感內衣的模特兒，問到她為何不穿內衣？她笑說：「做咩？好想睇我着內衣咩？睇我套電影啦。（喺電影裏面性感，出活動就收埋？）唔係，都冇人搵我性感！（唔介意行內衣騷？）我真係未試過着內衣或泳衣行騷，靚我就OK，但未試過！」

Mandy又笑言性感的「第一次」給了電影，又透露會在剛開拍的一套台灣電影中飾演性感打女：「試咗造型，好性感，低住胸去打人！」她表示現時Keep Fit要平衡，不可以太瘦，又哈哈大笑說：「如果瘦到連胸都冇埋就唔連戲，縮細咗可能導演要換人！（有幾性感？）未至於會跌晒（胸）出嚟，都安全嘅。（你有咩底線？）我拍打戲，唔係拍三級片，哈哈！」

汪圓圓「脹」住拍婚紗照

另外，汪圓圓壓軸現身，她表示剛剛塞車，怕遲到以致到場後連廁所也不敢去。現場見她手上戴着鑽戒，問到是否訂婚戒指？她表示戒指是大會安排：「呢個唔見咗都畀得起！」又透露早前與未婚夫蔡加讚於法國拍攝的婚紗照已運抵香港，但她自言狀態麻麻：「我哋去到頭兩日係咁食嘢，到最尾嗰兩日先影，又有時差，所以個人好腫！（會唔會再影過？）加讚影完都明白我平時工作唔容易，佢話再影都要等10周年。」問到加讚影相有冇天分？圓圓即甜絲絲說：「佢有高度又幾靚仔，可以蓋過好多嘢！」她又透露拍照時換了6至7套衫，當中更有性感款式：「但影出嚟睇唔到，因為反光。（性感留畀老公睇？）係！」