無綫小生吳卓羲（Ron）、郭晉安、田蕊妮及張繼聰等，昨日為無綫新劇《忠奸人》拍攝節目巡禮，再次飾演警察的Ron表示早已駕輕就熟，想嘗試扮賊，而田蕊妮即提議他扮強姦犯，Ron即拒絕：「我有諗過扮易服癖，但阿媽知道咗實同我脫離母子關係！」

田蕊妮提議吳卓羲扮強姦犯，卻被他拒絕。

郭晉安（右）與張繼聰手持銀紙，為新劇《忠奸人》拍攝節目巡禮。

至於安仔則表示有留意網民提議他演出日劇《半澤直樹》中堺雅人的角色，他相信是由於同樣予人誠懇的感覺，問到可有興趣拍港版？安仔笑言與《忠》劇的角色相似：「等大家睇咗有咩反應再算。（你平時會呃老婆？）嫁得畀我都甘心，其實佢呃我多啲，啲錢又交晒畀佢，我係屋企入面最呃唔到人嘅人！」