劇集《神鎗狙擊》一眾演員齊齊在荃灣宣傳新劇，又玩遊戲娛賓。徐子珊因穿短裙怕走光，大叫「唔得」，拒絕被抬起！提到她在爆炸戲中「炸極唔死」，被網友封為「不死狂人」，她表示十分無奈。

徐子珊被封「不死狂人」，感到十分無奈。

徐子珊（右）拒絕被抬起，由楊愛瑾（左二）頂上。

Steven和香香大方回應「拖手」事件。

陳煒身穿吊帶裝騷香肩，抗衡子珊的美腿攻勢！

徐子珊、岑麗香、楊愛瑾及 張致恒（Steven）等，昨日在荃灣宣傳劇集《神鎗狙擊》，在台上大玩遊戲，原本子珊要被兩名男藝人抬起投籃，但她卻以身穿短裙為由，拒絕被抬，更頻頻嗌「唔得」，她說：「好危險喎！」結果由穿短褲的楊愛瑾代替，而Steven則不避嫌和魏焌皓輕鬆抬起緋聞女友岑麗香。

近日《神》劇真的變成「神劇」，因子珊在劇中的爆炸場面每每能飛身避火頭，可謂「炸極唔死」，因此被封「不死狂人」，網友更將所有爆破鏡頭整合成短片。子珊聞言即大嘆無奈：「有少少唔開心，咁辛苦拍套戲出嚟，同埋我做足晒Research同參考外國劇！觀眾接受唔到我都好無奈，希望佢哋慢慢再接受創新嘅劇情啦！」

而在造型上，子珊表示有和監製及導演商量，更參考過女警朋友的言行，她說：「我有朋友做Madam，佢做嘢嘅時候都有着高踭鞋，我哋都係為咗視覺效果，希望觀眾諒解我哋啦！（下次着三點式？）我呢啲老人家，留番畀後生女啦！怕嚇親觀眾，驚到時投訴仲多，會爆錶！」

張致恒掛住溫家偉

至於Steven和香香日前被拍到拍劇時的拖手場面，因而傳出緋聞，他們均否認傳聞，Steven還將香香的另一緋聞男友溫家偉「拖落水」，他說：「我同佢先係一對！佢今日冇嚟，有啲掛住佢！」而香香笑言只是宣傳。