藝人李蕙敏（Amanda）將於英國時間本月六日下嫁英籍未婚夫Serge Micallef，除獲茶商特別設計茶葉禮品作回禮外，她更獲Vivienne Westwood贊助總值數百萬港元的多套晚裝及六吋高踭鞋。身在倫敦的Amanda日前抽空試身，谷出事業線的她說：「之前睇電影先知贊助商有婚紗訂製服務，當時已經諗結婚當日一定要着呢個品牌婚紗，但好可惜因為時間問題，所以只能揀晚裝。」她又感激茶商的支持：「佢哋知我男朋友鍾意飲茶，加上飲茶係中國人傳統。」

穿上低胸晚裝的Amanda明艷照人，同時大晒Fit爆身材。

待嫁的Amanda近日忙於為婚禮奔波，幸獲不少贊助。

另外，今日牛一的Amanda獲一班姊妹大搞生日會，慶生日之餘亦為她送上祝福，Amanda說：「英國呢幾日好陰天，希望婚禮嗰日天氣好啲，而且順利完成！」