動作男星伍允龍昨日在活動上大晒麒麟臂,穿背心上陣的他擺出功夫甫士,相當投入。本身是武術指導的他十分喜愛黃玉郎的漫畫,並坦言會將漫畫招式加入他任武指的電影情節中:「我朋友話我擺甫士幾好,其實我都係跟漫畫咁擺,有時會用嚟參考,放喺電影入面。我爸爸開武館,以前覺得學功夫好傳統,但睇到《龍虎門》嘅角色,原來可以咁時髦咁有型,都影響我入電影界。」他又向粉絲推介展覽中的《龍虎門》部分,可以挑戰主角王小虎!

伍允龍擺功夫甫士入型入格,他直言學武亦深受漫畫影響。