劉嘉玲接受電視台訪問時重提當年遭綁架一事，大智的她只覺往事如煙，表示已徹底放下及已原諒四位綁匪，唯一令她最痛心的是事件一度讓父母相當擔心，講到激動處，嘉玲不禁眼泛淚光！

已徹底放下的嘉玲，昨日心情輕鬆地出席活動。

劉曉慶（左）與黎芷珊暢談往事，更大方重提牢獄史。

黎芷珊主持的節目《最佳女主角》於今晚推出，據悉嘉玲將作壓軸嘉賓登場，訪問內容分成四集，每集半小時。期間她重提當年推戲被綁架一事，如今事過境遷，嘉玲表示早已原諒四位匪徒，她昨午出席關注婦科癌症的慈善活動時說：「係呀，徹底放下喇！依家做訪問冇乜禁忌唔講得，呢啲嘢最緊要過到自己嗰關。（有冇爆小秘密畀芷珊知？）都有，但唔記得咗喇，因為我冇乜秘密。（點解講到眼濕濕？）到時睇咪知囉！」

自稱勞動人民

其實嘉玲之所以眼泛淚光，據知原來與其雙親有關，她說：「我返咗屋企，父母一句嘢都冇問過，媽媽淨係煮飯掃地，佢哋唔想畀壓力我，見到佢哋咁我仲難受！」自從劉父過身後，劉母獨自在上海生活，令女兒牽腸掛肚，她卻對嘉玲提供的物質不感興趣，如常地慳家，嘉玲說：「我請司機畀佢佢唔用，叫佢搭的士又話冇需要，當然佢為我嘅成績感到驕傲，但最希望嘅始終係我擁有快樂健康嘅人生。」

有指已躋身富豪榜之列，嘉玲則搞笑地說：「呢啲報道譁眾取寵，淨係想吸引眼球，千祈唔好信呀！我都係勞動人民咋。」另外，內地女星劉曉慶成為黎芷珊節目的首集嘉賓，她將提及當年逃稅入獄一事，又指當時只知道不會被槍斃，每天在獄中以冷水洗澡及跑八千多步，卻視之為一種鍛煉。