娜女王請吔蟠桃

周秀娜（Chrissie）昨日以埃及妖后造型出席活動，一對「蟠桃胸」相當突出！她由半裸的師弟趙勁皓（King）抱起出場，另一師弟何浩文（Dominic）則伴隨左右，但娜姐被抱起時不慎露出黑色打底褲。King在台上任由師姐Chrissie在其上身畫公仔，問到抱起師姐有何感覺？King說：「一開始喺後台試抱OK，但頭先抱得耐有啲手震，Dominic冇幫手『傍』住佢對腳。（尷尬？） 都OK。（你會唔會追佢？）要用尊敬嘅態度對師姐，佢好靚，我高攀唔起。」Dominic提起感情事卻唉聲嘆氣，他否認曾經歷情傷，但坦言拍拖會影響工作情緒。

對於King怕高攀不起而敢追求，Chrissie笑說：「唔會，佢高過我。」她在台上玩遊戲為Dominic綁繃帶時，不慎被對方的手「批」到頭，她說：「係自己唔小心，如果真係畀佢哋批到都幾大鑊，咁大隻！（好少畀男仔抱？）依家真係少。（你露『蟠桃胸』喎？）但今日唔係生日，我都鍾意食生果。」提到她在King身上畫公仔，問到是否很久沒接觸男性肌膚？她笑言拍戲亦有接觸。

有同關楚耀聯絡

另外，問到與新緋聞男友關楚耀的發展進度？她表示二人是朋友，問到對方有否有約她去街？她說：「未呀，佢都好忙。（萬聖節約出街？）未知，要工作，唔喺香港。（保持聯絡？）係朋友都有聯絡。（邊種朋友關係？）都係朋友，都要啲時間。（北京富二代緋聞男友好啲定佢好啲？）個個朋友都好，女仔全部都可以做朋友，揀到Only One話你知。」至於近日不時與娜姐宣傳新片的杜汶澤，前日親自下廚慶祝太太田蕊妮36歲生日，更在網上發表愛的宣言，相當恩愛。