鍾嘉欣、馬德鐘和胡定欣昨日為劇集《飛虎Ⅱ》拍攝煞科戲，有爆炸及吊威吔的大場面，馬德鐘抱着嘉欣逃離爆破場景時，不慎失重心，導致雙雙倒地並擦傷手部，嘉欣BB療傷時一度眼濕濕，雖然搖頭示意不痛，但眼紅紅點頭表示很驚，她透露一向有買保險：「不過唔係買好重。拍呢啲戲都要小心啲，要有信心、狀態好先做。」

抱住嘉欣的馬德鐘不慎甩手，令對方撻落地，他亦隨之跌倒。

玉手受傷的嘉欣難忍痛楚眼濕濕。

馬德鐘在工作人員攙扶下才能站起來。

馬德鐘對令嘉欣受傷表示歉意，二人休息20分鐘再繼續拍攝，問到馬德鐘該場戲是否難度太高？他說：「今次係意外。（嘉欣休息時有冇喊？）冇。」嘉欣其後還要與定欣吊威吔，但劇組有準備替身，定欣覺得意外太突然：「嘉欣有啲擦傷，最緊要骨冇事！（佢眼濕濕？）嚇親啫。」其後嘉欣在微博上載醫院療傷照報平安：「大家不要擔心，我平安，我OK！我會快啲好番o架喇！」