準爸爸陳豪昨日開工拍攝新片《點對點》，談到太太陳茵媺（Aimee）前日清晨返港，他坦言希望盡快完成手頭上工作，騰多點時間陪太太。他笑言雖然大埔比華利山的新居不太整齊，但整體上Aimee也很滿意，問對方有否想吃特別食物？他說：「人哋有咗鍾意食酸嘢，但佢就有啲抗拒，比較鍾意食生果。」並透露Aimee並沒有經常抽筋，他亦正物色適合的育嬰班，做好準備迎接新生命來臨。對於鍾嘉欣指孕婦常嘔吐是代表佗仔，陳豪大笑說：「係時候開盤！」雖然他繼續以「遲啲先」回應，但稱仔女都想要，並指已有奶粉廣告商找他們夫婦代言。同場的邵音音則大爆陳豪由開工便與Aimee傾電話傾到收工，十分期待小朋友出世。