最近言行出位的「壞女孩」Miley Cyrus,日前再爆驚人言論!受訪時,她指大麻是「世上最好的毒品」,又大讚早前導致數名少年暴斃的毒品Molly,並直認曾吸毒,被鬧爆自甘墮落,教壞細路!

Miley自爆曾吸毒,又口出狂言,認真教壞細路!

甩拖不久的Miley上載與男助手的合照,似乎不愁寂寞。

「壞女孩」Miley頻頻有出位言行,早前便曾作不文演出。

出位女星Miley早前以不文MV及意淫演出成為城中輿論焦點,她日前接受雜誌《滾石雜誌》(Rolling Stone)訪問時,除了再次表明不介意被批評外,更大談吸毒:「我覺得大麻係世上最好嘅毒品,我有次溝咗Peyote(影響思緒的毒品)嚟食,然後見到有隻狼對住月亮叫!」她又大讚早前導致數名少年暴斃的安非他命毒品Molly,更形容它為「開心毒品」,認真荒謬兼教壞細路!另外,自認言行前衞的她指可卡因過於老派,感覺似回到90年代,並非其心水毒品。她毫無保留地分享吸毒經驗,由大眾眼中的乖乖女變成墮落女孩,成為不少家長的反面教材!

老友規勸「改邪歸正」

訪問一出,大眾的謾罵聲不絕於耳,有網民激動地爆粗鬧Miley:「X你!呢個人竟然話Molly係好嘅,佢唔知有人因為食咗佢而死咩?咪再咁啦!長大啦!」、「我已經將佢列入『死硬』名單,應該冇得救。」、「真係唔知佢阿媽聽到個女咁講會點諗。」此外,Miley好友Demi Lovato與Kelly Osbourne早前先後自爆曾勸Miley改行正路,但似乎沒有成效。

另外,Miley日前繼續上載與男助手兼好友Cheyne Thomas的合照,似乎剛甩拖的她並不愁寂寞。