香港時裝連鎖店I.T為慶祝創立25周年，在巴黎當地27日假大型百貨公司Lafayette舉行酒會，老闆沈嘉偉現身撐場並罕有受訪。問到25年的艱苦史，他笑說：「我依家都艱苦o架！」談到未來發展大計，他透露是進軍大中華：「北京會開Lafayette，我覺得大中華有好大發展空間，從來冇咁大型歐洲百貨公司可以帶到中國。（投資過億？）好多，唔止！（會唔會進駐香港？）唔會，因為租金太貴。」問到三名女兒會否成為接班人？沈嘉偉表示會讓她們自由發展，亦未想到太長遠：「每個人想法唔同。（佢哋鍾唔鍾意時裝設計？）係女仔都鍾意靚嘢，唔知佢哋鍾唔鍾意時裝。」還透露太太邱淑貞在家照顧女兒，故未有同行。同場還有星級形象指導郭慶彬及國際著名鞋匠Giuseppe Zanotti等。

I.T酒會於Lafayette舉行，老闆沈嘉偉御駕親征，人頭湧湧。

I.T酒會於Lafayette舉行，老闆沈嘉偉御駕親征，人頭湧湧。

星級形象指導郭慶彬遠赴巴黎撐I.T酒會。