新任爸爸霍啟剛暢談湊仔樂趣，經過1個月的訓練，他笑言湊B已有進步。而太太郭晶晶半夜三更要餵人奶，令他體會到太太的辛苦，更大讚她是100分的媽咪。

昨日與YoYo出席活動的霍啟剛，興奮地大談湊仔經！

YoYo與學生拔河時非常投入，最終獲勝。

YoYo前晚被拍得在銅鑼灣訂蛋糕，當發現記者時即禮貌微笑。

霍啟剛跟國寶級太太郭晶晶的囝囝前日剛滿月，昨日啟剛出席活動時表示未有特別慶祝，只在家中跟母親朱玲玲吃飯，而父親霍震霆則在北京工作。啟剛未有計劃為囝囝擺百日宴：「始終屋企為主，唔使搞咁大。」他又分享湊B樂趣：「我湊B有進步，開始識抱佢同照顧佢。」他給晶晶100分，因為她要餵人奶，每晚起幾次身，反而他一覺瞓到天光。

問到可會送禮物獎勵晶晶？啟剛笑說：「有BB大家都開心，唔係用禮物去衡量。」又透露晶晶身體回復得快，不過因為要餵人奶，出街時間不能太長。他坦言期待去旅行：「想抖吓都要遲啲先算，依家BB緊要，等佢大個啲先！」他又爆朱玲玲送他一部大相機，但他笑說：「大到我唔識用。」

蒙嘉慧秘訂蛋糕

同場的蒙嘉慧（YoYo）則跟學生玩拔河，又談及老公鄭伊健在澳洲拍旅遊特輯時大膽玩跳傘：「佢打畀我時話啱啱跳完，佢仲識得講陳小春有問過老婆，我咪話佢只通知我一聲！」她又提到有次伊健到日本拍跳落山的戲，事前曾致電問她應否用替身，她說：「演員唔係無所不能，況且之前佢吊威吔整傷過腰！」此外，前晚記者發現YoYo到銅鑼灣訂蛋糕，相信是準備為快將生日的伊健慶祝。