台灣「九頭身美女」吳佩慈本月19日宣布有喜，一星期後即大住肚現身內地選秀節目《我的中國星》，她更貪靚着高跟鞋上陣，非常大膽﹗至於懷孕5個月的名模Cara G.昨日出席活動時大談佗仔經，自爆Cup數由C變D的她表示，已沒再作嘔作悶：「醫生話我同BB都好健康，一開始我肥咗9公斤，醫生話太多，所以要做Gym，依家總共重咗7公斤，不過最近發現有奶類食品敏感，要減食雪糕，不過會食有機維他命補身。」
