曾任Aimee婚禮姊妹團的朱凱婷昨日受訪時表示，曹敏莉（Mandy）、戚黛黛、張嘉兒和李詩韻等一直有跟Aimee保持聯絡，亦知道老友昨晨返港，更透露要為姊妹舉行Baby Shower派對：「我哋做姊妹隨時Ready，只要佢開聲我哋就幫佢準備，搞Party、送吓禮物，我同Mandy都成日同佢交換生BB心得！（估係仔定女？）佗女都會嘔嘅，但因應媽媽身體而定啦！不過，一切等Aimee公布，依家畀佢同老公Sweet Sweet先啦！」

已為人母的朱凱婷準備為好姊妹Aimee搞BB派對，認真窩心。

戚黛黛（右起）與Aimee不時相約參與曹敏莉及朱凱婷等舉行的BB派對。

而Aimee好友鍾嘉欣亦很關心大肚Aimee返港後的情況，更預計對方會生仔：「據聞成日嘔吐就生仔，但最重要係佢兩個開心，我隔空都感受到佢同老公陳豪嘅甜蜜。（羨慕？）都唔係嘅！（平時冇人接你機？）唔係，你知我好低調。」嘉欣表示待Aimee產後再約食飯，不想做二人的「電燈膽」！