無綫將成立唱片公司「星夢娛樂」，有意捧親生仔林峯做樂壇一哥，藉此希望林峯續約。林峯昨日出發到新加坡參加頒獎禮時表示，報道很有趣，一時指他自組公司，一時又指「星夢娛樂」簽他。問到捧做一哥是否吸引？他說：「我之前同英皇都係由公司安排，都冇聽過呢個消息，不過公司開唱片公司都好，始終多個機會同平台，咁多年嚟我做音樂主要都係同合作多年嘅音樂人。（自由度重要過一哥？）唔係一唔一哥嘅問題。」
林峯奪得「我最喜愛TVB電視男角色」和「魅力體態大獎」。
