近年熱爆影壇的導演彭浩翔轉攻幕前,於王晶新戲中演出一角,並與靚女鍾采羲(Iris)及羅子喬(Bella)合作。戲中與Iris飾演情侶的他,看到報章後才知對方有一場噴血出浴戲,令未能一睹的他大呼「好嬲」!

鍾采羲(右)及羅子喬對於能與彭浩翔合作拍戲,感到非常開心。

王晶(右起)、彭浩翔、杜汶澤及鄒凱光等在新戲中合作愉快。

Iris在戲中有一幕出浴鏡頭,大膽挑戰電影尺度!

外形帶喜感的彭浩翔,早前於王晶新戲《爛滾夫鬥爛滾妻》中獻出第一次,首次做演員,問到感受如何?他笑說:「好開心,我嘅人生目標就係向幕前發展!做導演有好多嘢要管,就連幾時放消夜都要管!見到啲演員可以同啲幕後吹水,真係好想一齊傾,但我就要困住去處理問題。」

與阿澤鄒凱光爆肚

彭浩翔除了跟杜汶澤合作外,還有另一個老友鄒凱光,三人經常爆肚,為電影增添更多搞笑元素。而他亦笑指大家太熟及太了解,所以可以玩得很自由。而鄒凱光亦在拍戲期間大爆彭浩翔終於識笑,彭浩翔聞言即「反擊」,並笑說:「佢拍我嘅戲時成日同我講要遲到早走,依家我同佢一齊做演員,可以打畀佢,知佢遲半個鐘我先遲半個鐘頭,心情梗係唔同,哈哈!」

戲中彭浩翔與Iris飾演一對,但對於身材驕人的Iris有一場噴血出浴戲卻毫不知情,他說:「呢場戲我打開報紙先知,我幾嬲呀!同Iris做情侶,冇親熱都算啦!估唔到連場出浴戲我都唔喺現場!其實我『裝』吓都得啫!頭先見到導演(王晶)都唔記得同佢投訴!」彭浩翔做訪問時幽默感十足,而現場的Iris與Bella也笑不攏嘴,對於彭浩翔,兩位靚女有讚冇彈,表示合作得相當愉快,不過Iris對這場出浴戲就有少許不滿,她說:「嗰陣時成個肥妹仔咁,真係覺得對唔住晶哥,因為佢畀咗一個咁好嘅機會我!依家已經減咗十磅,如果之後佢再叫我拍戲,我一定瞓身去做,因為我覺得虧欠咗佢!」