女子跳舞組合Super Girls早前為排舞老師舉行的跳舞騷撐場，五位成員Aka、Yanny、Heidi、Cheronna及Jessica上台擔任表演嘉賓，今次已是第二次參加這個跳舞騷，大感開心！隊長Aka大讚香港臥虎藏龍︰「個騷氣氛好好，見到一班舞蹈員跳得好勁，真係大開眼界！」Cheronna大讚一班小朋友的舞技︰「頭先見到台上好多3至5歲嘅小朋友，估唔到咁細個已經跳得咁勁，真係好佩服佢哋，如果下次有機會，好想邀請佢哋一齊跳。」

Super Girls出席跳舞騷，與高手交流後獲益良多。