模特兒Mandy Lieu師妹清穗久美子早前接拍纖體廣告，適逢當日掛起八號風球，專業的她仍非常落力。

Kumiko冒八號波拍廣告，在風雨飄搖下「峰」騷開工。

穿上三點式的Kumiko自言事前靠飲品醫肚，以保持最佳狀態。

Mandy Lieu

身為Mandy Lieu師妹的Kumiko，同樣擁有弗到漏的身材。

名模Mandy Lieu師妹清穗久美子（Kumiko）早前以六位數字接拍纖體廣告，拍攝當日雖然懸掛八號風球，但仍無損Kumiko的心情，換上多個造型，拍足八小時仍未覺疲累。Kumiko以性感比堅尼上陣，大騷弗爆身材，令全場人作人員嘩然！她坦言為準備拍攝，只靠飲品醫肚，皆因想以最佳狀態示人。

大胃王教瘦身

Kumiko身形纖瘦，原來卻是「大食」之人，但她表示進食時應有次序，才可保持美好身段：「最緊要控制食量，唔好令個胃有太大容量，咁樣先可以保持美好身段。」Kumiko又稱選擇高跟鞋亦是重點之一：「我會盡量揀Platform高跟鞋，同時大家都要注意行路姿勢，咁先唔會令小腿造成肌肉。有時空氣太差嘅話，我會戴埋口罩出街，咁樣就唔會傷害到我嘅皮膚啦！」

最後Kumiko更「賣口乖」大讚代言產品：「拍廣告前三日，我上公司做機，結果令我再減多4磅，依家呢個磅數係呢十幾年都未試過o架，真係好開心呀！」