張兆輝早前接拍荷里活導演米高曼新片《Cyber》，並遠赴馬來西亞拍攝外景。戲中扮演貨車司機的他，坦承米高曼是位要求嚴謹的導演：「佢係嚴肅o架！拍之前佢會講一次拍攝內容，然後睇你演一次，之後會叫你加啲減啲，佢係跟得好足嘅導演，戲服要過目，就算爭條鏈，佢都會提出要你補番，我幾鍾意呢種合作方式。」

張兆輝不時捐窿捐罅尋找美食。

在《Cyber》中飾演貨車司機的張兆輝，為湯唯幫「雷神」基斯漢斯禾夫「走佬」。

劇情講述輝哥因與湯唯稔熟，遂幫「雷神」基斯漢斯禾夫（Chris Hemsworth）「走佬」，現實中他也擅長捐窿捐罅尋找美食：「今次去搵咗好多好嘢食，除咗去番以前跟明星足球隊出外比賽食過嘅地道BBQ店，又去咗打邊爐，連開工都有個帳篷，入面擺到好似自助餐咁任你食。不過我冇肥到，因為拍攝四日，除咗夜晚開工，日頭就落雨，本來帶咗泳褲想去曬太陽，都用唔着，日日就做幾個鐘頭Gym。」