新進組合Fabel早前推出新歌《風吹草動》，主音盧祝君（Lolo）笑稱與超級颱風「天兔」有緣：「我哋因為個颱風而延遲咗派歌時間，但都幾應景！個『風』一吹走我哋就『動』，希望吹到多啲人識呢首歌啦！」

Fabel笑稱新曲切合主題，與颱風有緣。

成員馮慶聰（Jimmy）自言入行後最難適應訪問環節：「以前喺幕後做音樂，只會諗點樣將音符化做好聽嘅音樂，依家除咗時事外，仲要多啲留意娛樂圈發生緊咩事，同記者、DJ傾起上嚟先知咩一回事！」Lolo則說：「我係八卦妹嚟，一向都有睇開娛樂新聞，所以對我嚟講絕對唔係問題！入咗行最大嘅得着係可以見到唔同歌手，有好多交流音樂嘅機會。」