歌手張繼聰即將推出第十張個人專輯，故決定破格演出，實行做「肌」佬操弗體形！不過，老婆及兒子均對其弗爆身形零興趣，阿聰不禁慨嘆：「佢哋身在福中不知福！」

張繼聰為新碟操弗身形，大騷結實肌肉！

阿聰自爆曾考慮「封咪」，專心拍劇。

老婆謝安琪及兒子均對其弗爆身形零興趣，令阿聰相當冇癮。

出道8年的張繼聰即將推出第十張專輯，故決定搞搞新意思，除了化身「舞」林高手演唱舞曲外，又順應潮流操出魔鬼身形，「肌」不可失！最近娛樂圈掀起「肌」佬潮，張家輝及杜汶澤等都大晒肌肉，問到會否擔心被指跟風？阿聰說：「大隻佬不嬲都多o架啦！其實成件事好熱血，我鍾意做運動，覺得幾享受！」問到老婆謝安琪及兒子可欣賞其「肌」佬身形？他無奈地說：「老婆冇特別話滿唔滿意，佢鍾意美軍嗰種身形，可能佢哋身在福中不知福！」

阿聰近年憑着參演劇集而撈得風生水起，很容易令人忘記他當初是以歌手身份入行，他坦言曾考慮「封咪」，專心拍劇：「舊年我諗過出完上一隻碟都叫幾圓滿，同埋我鍾意做演員，人生Plan入面想做多啲演員工作。十年前，演藝畢業後其實想做演員，但覺得音樂都幾好玩，所以畀十年時間自己，我依家做音樂唔會為出碟而出碟。」

無懼一哥地位受威脅

提到好友方大同加盟金牌大風後即獲公司安排舉行紅館演唱會，被稱為「金牌一哥」的他可覺得地位備受威脅？他說：「我同大同係好朋友，大家係同期新人，好開心佢終於喺紅館開騷。其實冇話一唔一哥，我寧願公司多啲歌手。（唔怕被搶資源？）我覺得依家係合理，太多或太少都唔舒服。」