巨聲幫的吳業坤三年前在節目《超級巨聲2》憑一句：「多謝周秀娜！」令其娜姐粉絲的身份深入民心，早前他因拍攝旅遊節目與女神「戀戰沖繩」，對足七日，他笑言在七日旅程中，只有一日被娜姐選中：「我輸晒，玩親遊戲節目都輸！可能係我度嘅行程唔啱佢！」但他仍獲得與女神浪漫跑步的機會：「有晚同佢仲有造型師一齊跑步，第一次見到娜姐素顏，非常難得，好靚！跑完仲有喺公園傾吓偈，算係正式同佢傾偈！」自覺是小人物的坤哥，至今仍未敢向女神攞電話：「唔夠膽問，佢永遠係女神，但都想交朋友嘅，唔想成日都覺得自己渺小，不過佢唔會因為我嘅地位而唔同我做朋友嘅！」

坤哥表示會努力工作，希望有朝一日襯得起娜姐！

年前坤哥在《超級巨聲2》中拖娜姐手仔，開心到爆！