唐詩詠獲古天樂欽點在新片飾演其女友，面對古仔與劉青雲兩大型男的紀律部隊Look，嬌滴滴的詩詠也心癢癢欲一嘗演紀律部隊，而糖妹因身高所限，笑言可演古仔女友。

唐詩詠

《逃》片不乏火海和爆炸場面，睇到糖妹（左）和若琪狂呼過癮。

唐詩詠獲古仔欽點飾演其女友，當然要入戲院捧番自己場！

小肥肉緊彈起，徐佳琦則輕鬆歎爆谷，相映成趣。

小肥

唐詩詠、糖妹、小肥和徐佳琦等日前齊齊到戲院欣賞寰宇新片《逃出生天3D》，並試坐該院的「4D D-Box動感座椅」享受感官刺激，動感椅會隨着火海、爆炸等場面晃動，儼如置身現場中，難怪眾人均睇到o衣嘩鬼叫！

首次坐動感椅睇電影的詩詠表示，以往只能幻想，如今終可「身歷其境」，問到可認為與古天樂的對手戲不夠喉？詩詠說：「都OK！下次想試吓同青雲合作，我好鍾意同古仔講電話嗰幕，拍前導演畀我睇古仔段片，已經忍唔住喊出嚟！頭先要睇自己邊度做得唔好，有少少分心，遲啲要再睇多次！（見到兩個型男做紀律部隊，想唔想試吓？）梗係想！唔好睇我呢個身形呀，作為演員可以好犀利，去到現場就會勝任角色！」

小肥傻氣有市場

而因工作關係要提早離場的糖妹，坦言專誠來捧兩個型男偶像場，惟中途離開令她相當冇癮，不過對於該片內容反映現實，揭露人性醜惡和帶出親情可貴的一面，令其大有得着，她說：「細個志願做佗槍師姐，但高度問題做唔到，所以如果安排我做古仔女友又或者佢個女都OKo架！」至於小肥則自嘲樣子傻更更，頗適合演保安員角色，但自問今次表現已見進步，更獲老闆黃柏高稱讚，猶如打了支強心針。