兩大影帝張家輝、劉青雲與潮模Angelababy昨日出席萬寶龍於會展舉行的Watches & Wonders 2013活動,對於主演的《激戰》在亞太影展成為大熱,家輝雀躍地說:「一賠幾?自己放開心情當去Party。(如攞獎又再升呢?)我都攞過,不過可以再攞。」問到青雲睇好家輝還是另一大熱梁朝偉?他表示十分難選擇,至於會否學家輝練「人魚線」?家輝插嘴:「青雲有宗教信仰,佢拜海豚!」青雲即回敬:「我係拜鯨魚!」問到最近與曉明齊拍戲的他,有否見曉明緋聞女友Baby探班?他表示沒有,家輝又插嘴:「你即係話人哋分咗手。」青雲頂唔順說:「家輝攞獎前情緒太Hyper!」而Baby否認與曉明好事近和獲求婚,問到會否計劃明年結婚?她說:「睇吓點,計劃永遠趕唔到變化,所以依家習慣唔計劃。」

家輝(右)與青雲搞笑互窒,燒埋Baby嗰疊。

成龍與楊紫瓊喜相逢,即面貼面打招呼。

另外,楊紫瓊與成龍出席場內的另一腕錶Richard Mille的酒會,成龍與老闆Richard Mille十分熟落,故專誠捧場。