林峯鄭俊弘「星夢之王」

無綫近日正計劃繼當年華星娛樂後，再度成立名為「星夢娛樂有限公司」的唱片公司，培育旗下藝人出碟、開演唱會。新公司將羅致林峯、鄭俊弘、鍾嘉欣及胡杏兒作四大王牌，「星夢幫」羅鈞滿、王君馨、林子博及楊思琦等，亦有望在新公司安排下，在樂壇搵出路。

培育新人

無綫親生仔林峯近日屢傳想離巢，據悉，無綫希望以「星夢娛樂」捧他做樂壇一哥來打動他。而「星夢高分王」鄭俊弘對於無綫成立唱片部，他說：「我未知，我簽邊間公司都OK，等公司安排。（唱歌拍劇點抉擇？）我入行拍劇十年，好鍾意演戲，要我揀我揀唔到！交畀公司安排。（唱歌成就更高？）冇諗咁長遠，想專心唱好10月12、13日《星夢》決賽先！」與「星煥國際」仍有合約的鍾嘉欣說：「我係無綫人，冇分邊度係娘家，當然支持公司成立新公司，咁好平台可以畀藝人發揮所長，但我唔識計劃，因為我同星煥仲有幾年約。」

無綫當年因廣播條例限制不可從事電視廣播以外業務，被迫結束華星娛樂公司，但隨着條例放寬，加上近年音樂選秀節目《超級巨聲》及《星夢傳奇》發掘出大量有歌唱潛質的參賽者，故無綫決定成立唱片公司，準備為樂壇培育新人。而為了保護旗下藝人形象，絕不容許他們接演可能破壞形象的角色。新公司話事人由曾効力滾石、英皇及亞視，對樂壇架構瞭如指掌的黃達輝出任，音樂創作則由無綫御用音樂總監鄧智偉主理。

做到公平

至於無綫《十大勁歌金曲頒獎典禮》的賽果一直被傳是受操控，無綫為了公平，今年的《勁歌》將進行全民投票，由觀眾選出心目中的「歌王」、「歌后」，無綫不會干預賽果。因跟「四大唱片」逐步破冰，無綫2014年將開放《勁歌》，屆時「星夢娛樂」與其他唱片公司齊齊「玩」票選，希望真正做到公平。