阿廉的圈中好友黎耀祥、黃智賢與洪天明昨日特別前來支持，而外父外母姜大偉與李琳琳、胡定欣、陳敏之、佘詩曼與楊怡等亦有送花牌賀他開張大喜。祥仔甫到場即被大批師奶包圍索合照，慘變人肉布景板，並恭喜阿廉榮升老闆：「第時啲慶功宴都喺度搞，同埋我又可以有免費嘢食喇！（阿廉話咗免你哋？）唔理o架喇！就算佢叫住我埋單都會走先，梗係食佢啦！」談到參演的台慶劇《法外風雲》下月出街，問到會否怕陳豪陪懷孕太太陳茵媺而兼顧不了宣傳？祥仔即笑說：「有咩所謂！叫埋一齊嚟幫手宣傳，佢有BB可能仲旺我哋收視。」

祥仔向來是師奶殺手，一現身即變人肉布景板！