影星麥克華堡（Mark Wahlberg）自13歲離開校園後，去年決定再執起書包繼續未完成的中學課程，他還聘請導師在他拍戲期間幫他溫習功課，終於在今年六月成功領取高中畢業證書！

電影《賤熊30》（Ted）男星麥克華堡自13歲已輟學，中三尚未畢業便進身演藝界任模特兒及唱歌。但他去年決定重返校園，在網上報讀高中課程，結果皇天不負有心人，麥克終於在今年完成學業，並以42歲高齡於六月正式高中畢業。麥克承認以他的年紀再執起課本的確非常艱苦：「我唔想我啲細路將來質問點解我唔讀書但又要佢哋讀，而且佢哋全部都想做一啲需要有學歷嘅工作。」

其後，他又說：「我依家成個人輕鬆晒，我仲會問自己點解喺學校嗰陣又唔努力讀書！」並語重心長地表示有很多中途退學的學生在荷里活的發展都不太如意，認為自己能夠成為國際影星是非常幸運：「中途退學嘅人多數都會失業，貧窮同埋健康好差。所以我建議你哋唔好放棄，要相信自己，要滿懷大志。」

望進修更高級課程

此外，麥克拍攝電影《孖GUN雙雄》（Two Guns）時，還專誠聘請數學導師在他休息期間幫他溫習功課，不過他卻隱瞞同片男星丹素華盛頓（Denzel Washington）：「丹素成日問我做緊乜，但我唔係好想講，因為如果我完成唔到就羞家！」他還打算進修更高級的課程，認真有心有力！