張家輝主演新片上映5周，票房衝破4千萬，導演林超賢積極考慮開拍續集。昨日家輝到戲院謝票時在女廁門外被圍，場面尷尬。

林超賢、張家輝和彭于晏到戲院謝票，現場氣氛高漲！

粉絲見到家輝非常興奮，竟然在女廁外要求合照！

張家輝主演新片《激戰》票房凌厲，導演林超賢昨午「領軍」連走幾場謝票，本在上海趕戲的彭于晏（Eddie）特意向劇組請假一天來港參與活動。他們到戲院謝票時見全場爆滿，台前幕後都十分落力，送海報之餘又送禮物，而粉絲亦十分興奮，紛紛舉機影偶像，家輝離場時更於女廁門外被圍，要求合照。

望原班人馬添食

談到票房佳績，家輝受訪時不禁說：「《証人》收800萬，《綫人》收1,200萬，我都驚自己以後突破唔到今次嘅成績。（有觀眾話你會蟬聯影帝？）佢哋講吓笑啫，呢啲嘢唔到我控制。（華鼎獎同劉青雲拗手瓜？）冇所謂啦，大家咁熟，如果到時有時間，我都會出席支持嘅！」謝票期間家輝即場讀出觀眾的留言，又指新片劇情激發了自己的求生意志，難怪他直言當初為該片的付出絕對物有所值。

另外，問到林超賢開拍續集的構思進度，他說：「積極考慮中，即使最後諗唔掂要轉古仔，都希望原班人馬出演。（成績咁好會分紅？）咁要睇老闆對我好唔好喇！」