樂壇天后容祖兒昨日舉行新碟簽名會，有愛情滋潤明顯心情靚爆，早前與男友劉浩龍蜜遊美國的她特別戴上鑲有「HOLLYWOOD」字樣的頭飾晒命，更甜到漏承認相當懷念在美國的拍拖時光！

祖兒舉行新碟簽名會，自然獲大批粉絲支持！

粉絲送上10張印着「爆滿」的大型演唱會門票，預祝Joey紅館騷場場爆滿！

祖兒攬住小粉絲明顯母愛洋溢，幾時同劉浩龍生番個？

新鴻基地產代理助理總經理（租務）孫雅茵小姐送上巨型王后啤牌，寓意祖兒樂壇天后的地位。

趁中秋將至，祖兒與粉絲玩遊戲齊齊製作燈籠。

容祖兒昨日到屯門V city為其新專輯《Little Day小日子》舉行「V city X 容祖兒『小日子』簽名會」，除了派出近千個籌給Fans排隊索簽名外，亦少不了大玩互動遊戲。為預祝偶像年底假紅館舉行的《1314容祖兒演唱會》大賣，Fans特別炮製了十張「King Size」演唱會飛，而新鴻基地產代理助理總經理（租務）孫雅茵亦送上「巨型Queen牌」，寓意樂壇天后祖兒的跨年個唱場場爆滿！

久未與Fans接觸的祖兒悉心打扮到場，尤以那頂鑲有「HOLLYWOOD」字樣的頭飾最為搶眼，看來她相當懷念早前和男友劉浩龍（師兄）到美國蜜遊的時光，她亦甜絲絲承認：「好掛住美國！嗰邊嘅生活同香港完全唔同，喺LA好舒服，每日都只得一件事。（拍拖？）冇人跟就最開心！」她又冧爆表示在美國都是過一般的簡單生活：「不過喺香港係冇咩可能做得到。」

喼弗個唱「激戰」

祖兒開心地表示中秋當晚原定的工作臨時取消，早前亦已跟家人食飯預祝，那中秋當日可與男友拍拖慶祝？她說：「佢唔喺香港，要做嘢！只要每日開心，唔使理節日嘅。」她又指找張家輝的健身教練Keep Fit迎戰個唱，記者提議找師兄操弗兼任嘉賓時，她終忍不住笑說：「成日講佢，係咪好似佢開演唱會仲好呀？好朋友嚟唔嚟冇所謂，集中做演唱會先。」並稱最希望和潮人黃偉文親自到英國揀歌衫。談到有網友希望王菲和謝霆鋒復合，祖兒不欲多口畀意見：「我唔識，快樂就得啦！」