23歲的模特兒陳嘉寶（Anjaylia）5年前因拍攝廣告而為人熟悉，早前更連續第5年做「邦民女」，為「邦民財務」代言，她說：「好少人有這種機會，合作5年真係好難得，好感謝客戶支持，見證我嘅成長。」

Anjaylia愛情事業兩得意，坦言正與好朋友發展中！

Anjaylia第5年做「邦民女」，拍廣告駕輕就熟！

自言長大了的Anjaylia事業得意，連情場也有收獲，從未談戀愛的她早前在Instagram放上收到玫瑰花的相片，她甜笑說：「花成日都收，但都要睇吓收得開唔開心，依家係跟一位好朋友發展中，大家識咗好耐，佢係圈外人。」她透露對方比自己長年逾8年，但並不介意：「佢嘅性格會補我不足，雖然年齡差距大，但我鍾意成熟嘅男仔，因為可以照顧到我。」