身形瘦削的無綫藝人石天欣（Tina），從不掩飾自己31A的上圍，更不會考慮「僭建」或「墊Pad」，在現今「你的身材如何，你的命運也必如何」的圈中潛規則下，Tina仍可堅守自己的信念，值得一讚！

Tina雖然身材得31A，難與一眾巨胸女星匹敵，但她希望靠實力打出名堂！

Tina充滿活力，甚麼角色都想嘗試，更揚言要挑戰跳舞。

石天欣（Tina）胃口驚人，可以一日到黑食唔停口，偏偏體質「油浸都唔肥」。在現今這個靠「W胸」和「不倒胸」橫行的娛樂圈，Tina仍堅持以最真的一面示人，她說：「我上圍係31A，但我從來冇諗過要隆胸或墊Pad，因為我希望可以靠實力靠演技，唔係靠賣弄身材，好似靠露暈博上位咁，露得幾多次？而且年紀大咗，幾好身材亦都易走樣！雖然女藝人事業線長啲同深啲，曝光率係好似可以高啲，但我相信總有人唔係咁膚淺！」

早前Tina憑劇集《仁心解碼2》而「一姦成名」，她揚言為了拍戲願意無底線：「好多監製同導演都有問過我拍戲嘅底線同性感底線可以去到邊，其實我乜都敢試，雖然我冇咩身材，要露身材可以靠其他女藝人，但我露背都OK o架！嚟緊我喺《巨輪》又有強姦戲，大家拭目以待啦，哈哈！」

想為觀眾騷舞技

Tina又想嘗試更多不同角色：「始終我經驗淺，有好多角色都好想試吓，其實我跳舞都好OK，如果有機會都想喺觀眾面前展現一下舞技！」