歌、影、視樣樣皆精的全能藝人莫文蔚（Karen）明年便入行20年，為了與歌迷分享成長歷程，她將於本月15至21日在中環舉行《莫后年代－莫文蔚二十周年展覽》，讓粉絲回顧其演藝生涯的點滴。

莫文蔚將舉辦展覽，慶祝出道20周年。

怕「醜」的Karen笑言不願展出學生時代的照片。

唱功了得的Karen將展出金曲獎的獎座。

莫文蔚透露早前為展覽執屋挑選展品，當中有她3歲時唱許冠傑《鐵塔凌雲》的錄音帶及電影《食神》中的假牙，Karen表示於1996年為專輯《全身莫文蔚》拍下的全裸性感封面是她的至愛，並透露已將封面放大至人形比例作展品。

同學友有緣

原來Karen在中學時期已與兩位天王張學友及校長譚詠麟有淵源，她說：「嗰時做校刊總編輯，有個同學係學友嘅Fans，結果成功搵到學友同埋校長做訪問，佢哋仲攞住份校刊影相做封面！其實我入咗行見過佢哋咁多次，但都醒唔起呢件事，直到最近搵番出嚟先記起，所以希望佢同校長都會嚟睇啦！」她自言與學友特別有緣分，並透露2003年獲頒台灣金曲獎「最佳國語女歌手」時，頒獎嘉賓就是學友！此外，她將展出2003年及2011年兩屆台灣金曲獎的獎座。

雖然Karen會將不同時期的珍貴物品晒冷，但她希望可永久封存某些珍藏品，包括中學時期的照片，她說：「覺得自己細細個都幾得意，但大個咗中學時游水曬黑咗，加上箍牙，嗰啲相真係冇辦法騷出嚟，實在太樣衰！」她坦言不會展出與舊愛馮德倫（Steven）間的物品：「唔會係展覽品啩！又唔係我嘅事業，都可能會邀請佢嚟睇嘅，但盡量係圍繞番工作嘅嘢。」