藝人周志文2009年參加《超級巨聲》後，發展一向順利，在多套電視劇都能見到他的蹤影。不過，徹底愛上演戲的他未有驕傲，更甘於接受批評，自言即使要如張家輝般為演戲而操Fit亦在所不辭：「做藝人要好有決心！」

周志文對演戲充滿興趣，願捱苦吸取經驗。

張家輝為演活角色而操出鋼條身形，令周志文大為佩服。

周志文（右）不時拍劇，早前便與張智霖合作《衝上雲霄II》。

周志文出道四年一直順風順水，工作不斷，但謙虛的他表示會繼續按部就班：「現階段仲年輕，始終經驗唔夠，要吸收多啲。」不少人都發「明星夢」，沉醉於演藝圈的花花世界，但他說：「鍾意做嗰樣嘢先會享受當中辛苦嘅過程，先會覺得值得，如果純粹想出名係唔會堅持到！」

孖細佬闖出頭

最近不少男士紛紛練做大隻仔，掀起「全民張家輝」熱潮，但張家輝的訓練過程確實異於常人，周志文表示非常佩服：「佢已經係影帝，追求嘅唔係名利，只係想說服觀眾！」問到能否如張家輝般為工作犧牲？他說：「我覺得我得！歌手開演唱會都要Fit啦，所以做藝人其實要好有決心！」

初出道時，周志文與孖生弟弟周志康經常出雙入對，但現時拍攝機會卻比弟弟多，他說：「我哋嘅起點係一樣，過程可能唔同，但各有得着，我相信我哋嘅終點係一樣嘅！」果然手足情深！