敖嘉年靠「正氣水」消暑

藝人敖嘉年早前飛往杭州象山並逗留一個月，為新劇《寒山潛龍》拍攝外景。曾到西湖拍劇、於劇中飾演捕快的他透露早已知道當地氣溫高達40度：「今次去象山拍，準備咗大量退熱貼同『正氣水』去！（『正氣水』？）係呀！預防中暑用，係林夏薇介紹嘅！」敖嘉年透露為求逼真，特意為新劇留有長及頸項的頭髮：「拍完《情逆三世緣》就開始留，留咗半年左右，拍《寒山潛龍》我就真髮上陣，亦特登留埋鬚！」問到會否趁機在當地遊覽？他表示若有時間便會遊覽當地，但每天工作時間長達十四個鐘，拍畢後亦需休息。