謝天華於新劇《神鎗狙擊》終名正言順飾演狙擊手，他笑言早已將《學警狙擊》、《潛行狙擊》及《法網狙擊》等視為自己的「狙擊」系列，並表示對新劇充滿信心，無懼被拿來與收視佳的《衝上雲霄Ⅱ》比較：「一個揸槍，一個揸飛機，難比較，最緊要觀眾睇咗先再畀意見，咁會公道啲。」

謝天華為《神》劇操弗體能，配合狙擊手的形象。

天華在劇中周旋於徐子珊、陳煒及岑麗香之間，又要挑戰張兆輝「Best Of The Best」的狙擊手地位，他說：「子珊好專業，合作多次有晒默契，佢一埋位就有戲；煒哥係第二次合作，佢嘅角色充滿女人味，好有吸引力；香香就演初入飛虎隊，角色有啲青澀，但睇得出佢好努力。我睇過輝哥好多作品，大家喺呢行算資深，合作愉快，完全唔使擔心，絕對信任對方。」談到為新劇而練習燒真槍及背着重逾十幾磅的道具槍通山走，他說：「我演過飛虎隊，但未演過狙擊手。短槍揸得多，長槍至低限度行出嚟要Pro，多謝今次拍《神鎗》令我可以操Fit，飛虎隊冇理由凸住肚腩執勤，辛苦都值得！」