江若琳近年不時於內地拍劇，雖然收入豐厚，但全都是用「血汗」換回來。她拍攝沙場馳騁的戲份時險告受傷，又曾試過於極冷的天氣下拍外景，她坦言拍劇後回港猶如充完軍，有苦自知！

Elanne笑言拍《巾》劇時吃了不少苦頭，猶如充軍！

飾演女將軍的Elanne似模似樣，型到爆！

新作贏盡口碑，江若琳的付出終有回報！

江若琳拍攝《巾》劇時曾不慎跌傷，幸無大礙。

江若琳（Elanne）主演的內地劇《巾幗大將軍》早前於內地播出，收視及口碑都不俗，她當然相當高興。該劇屬大時代戰爭劇集，Elanne透露拍攝時曾遇上困難，幸而能順利捱過：「我入組後第三日已經受傷，之後嘅拍攝日日都有事發生。曾經試過拍一場沙場馳騁戲，突然之間唔見咗個臨時演員，原來佢跌咗落地，仲碌到成面血，當時見到個心都好唔安樂！最危險嘅一次係我要喺沙場馳騁，嗰日我個心有啲唔係咁好嘅感覺，所以導演叫埋位嘅時候，我就問佢可唔可以叫專業師傅試一圈先，等我知道大約點，對自己有啲信心。點知師傅一試，即刻失重心撞埋人群度，師傅跌落地下，動彈不得，之後即刻送入醫院，足足瞓咗醫院一個月！」

拍外景凍到僵

除了拍攝戰爭場面時危險重重外，在嚴寒的天氣下拍外景亦是另一項挑戰，Elanne說：「寒冬喺敦煌拍戲，真係着幾多衫、幾多羽絨都冇用，凍到手腳都僵硬！」她坦言拍《巾》劇時曾經歷如此多困難，故拍畢該劇平安回港後，感覺猶如「充完軍」，令她相當難忘！