古天樂及李心潔等前晚出席《逃出生天3D》首映，有導演老公彭順傍實的心潔慘被古仔取笑有老公「錫住」，古仔又暗示有意拍《衝上雲霄》電影版，大過機師癮！

心潔以一襲白色長裙到澳門出席首映，令人眼前一亮。

青雲扶着心潔落樓梯，盡顯風度。

心潔跟彭發（左起）、老公彭順及青雲等祝酒，心情勁靚。

古仔（左一）除了孖住青雲（右一）取笑心潔，還向影迷大送海報。

藝人古天樂、劉青雲、李心潔、小肥、徐佳琦、導演彭發及彭順等，前晚在澳門出席寰宇電影《逃出生天3D》的首映禮，獲逾百名粉絲到場支持！身穿一襲白色長裙的心潔，與老公彭順同場，難得有老公傍實，但仍慘遭型男古仔和青雲寸爆！心潔被問到拍攝時老公彭順可會錫住她，她表示不會，但古仔笑住搶說：「返到屋企先錫、拍拍吓拉埋一邊錫！」

問到古仔和及青雲是否經常整蠱心潔，古仔說：「邊敢？佢老公係導演，放火燒我哋點算！」令心潔非常尷尬，場面搞笑。之後古仔大爆無綫拍攝的劇集火災場口少：「TVB五集先有一場火，但呢套戲就由頭燒到尾，就快死！」但他暗示大有機會參演《衝上雲霄》電影版：「未做過機師，我幾鍾意飛嘅感覺。」

青雲爭影帝感榮幸

至於入圍華鼎獎最佳男演員的青雲，將與張家輝及謝霆鋒等爭影帝，他謙虛地說：「入到圍係我嘅榮幸！（張家輝個勢好勁？）佢一向都勁o架啦！」另一邊廂，早前與古仔傳緋聞的台灣女星陳喬恩，近日又捲入台灣男星與內地女星張馨予的多角關係，但她似乎未受困擾，昨午上載出浴照。