吳鎮宇、陳法拉、徐子珊及周秀娜昨日到銅鑼灣出席《莎莎亞太區首間概念店SaSa Supreme開幕典禮暨慶祝酒會》，同場有蔡志明夫人、何超盈、陳百祥及羅霖等，楊受成、毛玉萍、甄子丹夫婦及鍾楚紅則送上花籃致賀。

吳鎮宇（左起）、陳法拉及周秀娜齊齊為新店剪綵。

法拉露出大截玉背，相當搶鏡。

子珊（左）及娜姐盛裝出席，明艷照人。

鎮宇透露隨着《衝上雲霄Ⅱ》效應，本月已出席三場活動，問到會否學張智霖買豪宅？他說：「我能力只夠買村屋。（咁謙？）事實吖嘛！唔通我話睇中天比高，將會收購周星馳咩？」又表示只會買具升值潛力的酒、手錶、茶葉及木頭自我獎勵：「咪畀老婆知我又買咗條木珠手鏈，如果佢乜都畀我買，我依家已經做咗富豪！」

以低胸裝上陣的娜姐表示對鎮宇「嗒糖」：「鎮宇喺我心入面仍然係坤，我想做佢老婆！」身穿露背裝的子珊則希望外界不要給太大壓力予緊接《衝Ⅱ》播出的《神鎗狙擊》，而法拉則表示不會自組公司，但要先考慮發展方向才與經理人簽約。