周秀娜前男友陳偉成（Avis）與現任模女友尹蓁晞（Yumi）打得火熱，昨日齊齊參與有線節目《掃毒大家庭》演出。從台灣回港的Yumi發福不少，但甜絲絲表示Avis充當私人教練，陪跑減肥兼陪戒口，戲內戲外大晒恩愛。

Avis和Yumi情侶檔姿態出席錄影，還當眾大耍花槍又扮結婚，甜到漏！

Avis（中）錄影時「派喜帖」，而身旁的Yumi（右二）明顯發福。

陳偉成和尹蓁晞昨日出席有線節目《掃毒大家庭》錄影，二人在現場顯得十分恩愛，更即場收到劇本要演結婚橋段，Avis即甜笑說：「當預演囉！」

講舊愛唔係問題

而剛從台灣回港的Yumi，明顯脹了成個碼，Avis不但不介意，更表示要充當私人教練陪她跑步，又下令Yumi不准沾鹽、糖與油膩的食物，只可以吃魚肉、麥皮與烚菜，被勒令戒口的Yumi毫無不滿之餘，更笑笑口說：「我偷食零食畀佢發現！」

另外，早前Avis在微博炮轟有人製造不實的新聞，並說：「聽到啲唔係事實嘅事，好嬲，請佢講之前要考慮清楚係唔係事實！」問及到底鬧誰？他說：「費事講啦！（怕唔怕畀人以為你話舊愛？）唔係，唔係舊愛，係工作上嘅事，即使講舊愛都唔係問題，但唔好講一啲唔係事實嘅事囉!」