鄭伊健、陳小春、謝天華、錢嘉樂及林曉峰昨日為新歌拍攝MV，五子在片場內互拋汽水罐及玩水槍互射，恍如大細路，伊健說：「我哋喺MV入面搗亂，玩番晒以前嘅童年玩意。」而百厭的嘉樂又偷偷向天華拋罐施襲，「中頭獎」的天華誤以為小春是「兇手」，嘉樂說：「天華以為係小春掟佢，結果佢哋兩個喺度『私片』。」慘食死貓的小春受訪時作生氣狀，十分搞笑。

謝天華（左起）、陳小春、鄭伊健、林曉峰及錢嘉樂在片場玩水槍互射。