藝人高海寧、張名雅及溫家偉等昨日出席全新一輯節目《姊妹淘》記者會，高海寧表示會在節目上分享美胸和收身心得，而方法就是延遲胸部變化的時間：「我平時會去做人手通淋巴，佢係美胸聖手。（會唔會尷尬？）初時都會尷尬，之後就OK。（男師傅？）梗係唔係，男人唔接受，我連婦科醫生都要係女人。」她又表示即將客串電影《Delete愛人》：「我要着瑜伽衫，唔知使唔使露腰，好驚，係時候要收身。」

高海寧將在節目《姊妹淘》中分享美容心得。

溫家偉自稱有信心追到宅男女神岑麗香。

此外有報道指「大隻仔」溫家偉對宅男女神岑麗香展開熱烈追求，但他表示大家只是「傾得埋的好朋友」。提到他曾指香香「好Perfect（完美）」，他笑說：「我有講過呢句咩？不過佢個人真係又靚、性格又好。（冇信心追佢？）我有信心！」他表示搬到將軍澳住是為了方便返公司，不是為「近水樓台」。