張兆輝早前特別為新劇操肌，但首集卻被一班肌肉男搶風頭，惟有自我安慰指拍攝時抱恙才穿背心上陣，他笑言操肌目的並非為騷Quali。對於首集收視未能承接《衝上雲霄Ⅱ》，他表示觀眾需要時間，有信心收視會回升！

張兆輝（前排中）與同劇演員食飯睇首播，非常熱鬧。

陳煒與張兆輝在戲中有多場對手戲。

熱播劇《衝上雲霄Ⅱ》以41點的高收視完美落幕，緊接的新劇《神鎗狙擊》前晚首播，首集平均收視只有26點，前晚該劇演員張兆輝、陳煒及秦煌等相約飯局，主角徐子珊、謝天華因工作缺席。

「有信心上番去」

張兆輝對於首集反應感滿意，由於全晚與演員不斷交談，未能專心睇劇，故準備翌日重溫，問到首集收視回落，張兆輝表示乃正常現象：「首開都叫滿意，之前啲觀眾一口氣追《衝Ⅱ》咁多集，都要回氣嘅，我有信心會上番去。（為套劇咁辛苦操弗，但畀其他男仔露肌搶鏡？）我操嚟唔係要騷畀人睇，咁啱嗰時感冒，天氣又凍，所以最後都加番件衫拍。」陳煒透露劇中有場穿低胸運動裝的戲份，她說：「個Shot就拍得近咗啲。」對於子珊與天華未能出席飯局，她說：「可惜，但天華有嘢忙緊，遲啲一齊去支持佢，我哋套劇拍檔一條心。」

前晚的劇情，無綫靠張致恒、Otto、溫家偉及翟威廉等肌肉男沖涼晒肌吸睛，當中以張致恒最「錫身」，只露到膊頭位置，立刻被其他肌肉男比下去；另一幕講述徐子珊追賊，期間被賊人擲手榴彈，但子珊卻絲毫無損，似乎有點不合情理，該劇還大玩特技效果，恍如拍電影般。