本來參演新片《喜愛夜蒲3》演出的陳靜（DaDa），上月出席開鏡拜神後不久，即在微博宣稱要退出幕前演出，令《喜3》片即時要在角色及故事上作出調動。昨日記者致電該片導演錢國偉（Wilson），問到知否DaDa返港？他說：「佢冇搵我，我唔知！其實喺上次開鏡拜神之後，我再冇聽過佢把聲或者收到佢嘅訊息。（如果DaDa主動要求再入組參演會否考慮？）唔會嘞！都開拍咗咁耐，唔會再搵番佢，佢都下咗咁大決定！」至於會否永不錄用DaDa，Wilson淡然地說：「呢啲係以後嘅事，我依家忙緊部戲，冇諗咁多嘢。」另外，記者致電DaDa經理人施念慈，問到DaDa是否返港及法律行動進展如何時，施念慈只說：「冇嘢回應。」

錢國偉坦言沒有跟DaDa聯絡。

施念慈對DaDa的事，不予置評。