今次Kelvin開騷邀得「歌神」張學友擔任嘉賓，他邊彈結他邊與學友合唱《真情流露》，學友唱得興起時不慎唱甩黑框眼鏡，連自己亦忍不住笑即刻托回，並說：「同後生仔一齊，忘記自己年紀，搞到眼鏡都飛埋，唔好意思。」隨即表示睇住Kelvin成長，並對他說：「長大時發生過好多事，過咗去諗番，係快樂記憶，相信我。」

學友投入獻唱到甩眼鏡。

Kelvin邀得「睇住佢大」的歌神張學友擔任嘉賓。

Kelvin自爆開騷前膽粗粗致電學友作出邀請，他說：「估唔到佢一口答應做嘉賓。」學友在旁笑說：「我冇嘢做o架，慘o架，好彩你搵我咋！」而合唱期間，Kelvin模仿頻頻做出蘭花手動作的學友，引得全場捧腹大笑，而其他演出嘉賓還有Kelvin的師妹AGA及好友Master Mic。