關楚耀當阿媽面車震
譚詠麟契仔關楚耀（Kelvin）前晚舉行處男騷，獲母親及妹妹捧場。除了大晒肌肉外，他更半裸與俄國女模埋身肉搏上演車震場面，意識大膽，又一王兩后玩人肉三文治跳辣舞，挑戰三級尺度！
關楚耀操弗多時，於個唱上大晒成果。
俄模靠向關楚耀敏感部位，又與他上演一場「車震舞」。
關楚耀即場除衫晒肌，又玩人肉三文治跳辣舞。
陳柏宇（左）與何浩文見面即攬，齊齊捧關楚耀場。
松岡李那及周汶錡亦為座上客。
周汶錡
衛詩雅與應昌佑揸住打氣棒睇騷。
關楚耀前晚於九展舉行處男個唱《Blues Heroes KELViN KWAN BREAKOUT CONCERT》，吸引母親、妹妹及契媽到場支持外，亦獲周汶錡、衛詩雅、蔡穎恩及陳柏宇等圈中人捧場。Kelvin施展渾身解數，大騷麒麟臂、腹肌及人魚線外，又露底褲邊及露臍毛。他甫出場即一口氣獻唱多首歌曲，期間與兩名性感女舞蹈員在道具爛車車頂纏綿，大玩「人肉三文治」跳辣身舞，又讓兩女「上下其手」不停捽勻全身，炒熱全場氣氛。
半裸上陣十秒完事
不過要數當晚重頭戲，莫過於Kelvin與一名俄國女模的火辣演出，俄模甫登場即主動撩Kelvin埋身肉搏，從後喪摸兼作勢要除去他的背心，Kelvin一臉受落，主動除衫晒肌，半裸的他愈玩愈激，即場上演車震戲，大玩男上女下並做出大膽意淫動作，俄模熱情回應用雙腳夾住Kelvin喪摸，意識大膽，可惜整個過程十秒完事！似乎玩到唔願起身的Kelvin竟作狀吻向俄模，並問現場觀眾：「點解咁少掌聲？係咪要我錫佢？」全場氣氛即時推至高峰，粉絲失控狂叫！
尷尬避談「動L」
Kelvin完騷在後台受訪，提到車震環節，他說：「隨心Uno架咋，佢（俄模）今日（即前日）先落機，綵排嗰時冇咁大動作，但到現場想去盡啲，加上愈唱愈放先咁大膽！（下次全裸演出？）咁又唔得。（露底？）係呀，粉紅色。」記者取笑他不怕對着性感舞蹈員「動L」，他尷尬避而不答，更擺捧場好友陳柏宇上枱：「『動L陳』？佢有嚟呀！」他又直認想開Part II演唱會：「依家都好似發緊夢咁，唔想浪費過去半年用血汗練番嚟嘅成績。」
