星級潮媽陳慧琳（Kelly）的4歲大仔劉昇（蝦餃仔）今年升讀K2，昨日是蝦餃仔的開學日，Kelly下午親自到九龍塘學校接放學，手持蝦餃仔私家迷你遮的她服侍周到，表示囝囝由紅磡轉到九龍塘校舍，要重新適應校園：「幫佢買晒新書、新校服同新書包，仲剪短咗頭髮。」以往多由她為蝦餃仔剪髮，但她笑言不敢再操刀：「大個仔啦，剪得肉酸會畀人笑！」

Kelly抱蝦餃仔上車時頗為吃力，唔通蝦餃仔又重咗？

撐傘的蝦餃仔看似呆滯，卻聽Kelly話舉高遮仔影相。

Kelly表示蝦餃仔很早起身並有點緊張，希望他愈來愈愛校園生活，未幾Kelly拖住蝦餃仔從學校出來，見蝦餃仔拿着綠色熊貓遮仔，平日他最愛反白眼及小動作多多，但昨日似乎心情欠佳，樣子有點呆滯，並十問九唔應，但Kelly叫他舉高遮仔讓記者拍照時，他伸出小手見冇雨就自己關遮，2秒後抬頭望住Kelly說：「有啲雨。」又再開遮，非常可愛！而Kelly抱他上車後，他亦乖乖地向傳媒揮手拜拜。