梁敏儀、袁嘉敏和鍾蕙芝（Lavina）等昨日在酒店拍攝一場室內的文戲。穿性感服裝的梁敏儀演得相當投入，問到泳池戲取消會否失望？她說：「天氣難控制，大家都冇辦法。」因禍得福的她又說：「因為取消咗場戲大家惟有放食飯，我哋一班演員食飯期間，發哥突然入嚟，仲主動問我哋拎手機，逐一同我哋自拍，真係好開心。」她又指早前見過發哥，但擔心騷擾到對方，不敢要求合照：「點都估唔到發哥主動同我哋影相，真係感到好幸運。」

雖然泳池戲份取消，但梁敏儀冇失望。

衣着性感的袁嘉敏同樣演得投入。