熊黛林（Lynn）及Mandy Lieu昨日出席護膚品牌活動，有傳內地女藝人葉熙祺日前夜訪郭富城家，Lynn無奈地說不懂回答，指別人私生活，不應該亦不方便回應。問到是否覺得葉熙祺好進取，毫不避忌？她說：「各人嘅性格。（有冇留意城城嘅新聞？）我對呢啲八卦新聞冇乜興趣，亦唔會因對方拍拖而唔開心，我希望身邊所有人幸福，自己都幸福。（城城好快有新歡？）我都想好快，都Ready咗好耐，係未有機會啫，想快啲搵到個好錫自己嘅人，選擇咗放低嘅就唔再留戀。」

Lynn（左）與Mandy Lieu兩位美女昨日穿低胸裙為護膚品牌宣傳，大晒美好身材。

另外，Mandy透露將到台灣拍電影，與偶像明星合作，行程好神秘：「好期待，行程神秘又要成日轉換拍攝場地，試過當日清晨5點先知地點，又有好多嘢要顧忌。」